Kinders hoe voel julle oor die eksamen wat voorlê? Vir wie van julle is die Bybel soms moeilik om te verstaan? Ja daar is dinge waarmee ons sukkel né.

Transcriptie

1 1 Matteus 11 d2 Wh 16 Lees Matteus 11:25-29 Is jy slim of eenvoudig? Kinders hoe voel julle oor die eksamen wat voorlê? Ek onthou hoe ek baie keer met `n eenvoudige rapport by die huis gekom het, en alles behalwe slim gevoel het. Maar vanaand wil ek hê dat julle kinders iets baie belangrik moet onthou: God het van die begin af besluit om sy boodskap so te maak, dat kinders dit kan verstaan. Vir wie van julle is die Bybel soms moeilik om te verstaan? Ja daar is dinge waarmee ons sukkel né. Maar kom ek vra julle so: wie is die Koning van alles? God Vader, Seun, Heilig Gees. Mag Hy doen wat Hy wil as Hy die koning is? ja, natuurlik. Wat is die straf vir sonde? die dood. En as mens aanhou sonde doen? die ewige dood. Wie kan ons van die dood en sonde red? Jesus Christus. Is daar enige ander manier hoe ons gered kan word? Nee. Wat moet ons dan doen om deur Jesus gered te word? Glo. As julle hierdie dinge weet, dan wil ek graag vandag vir julle sê dat julle meer van God se storie in die Bybel verstaan as baie geleerde mense. In hierdie stukkie wat ons nou gelees het, en in baie ander sê God dat dit nie gaan oor slim wees met sy Woord nie. Jy hoef ook nie eers groot te wees voordat die Here Homself en sy storie vir jou wys nie. Hier staan eintlik dat Hy dit juis vir klein kindertjies wys.

2 2 Onthou dit soos julle leer en slimmer word in aardse dinge, God wys Homself aan hulle wat bly glo soos kinders. Broers en susters, hierdie is `n baie bekende gedeelte waaroor daar al baie gepreek is. Hierdie is waarskynlik die 3de keer dat ek self daaroor preek, maar ek het nog altyd vinnig oor die eerste gedeelte gegaan, sodat ons by die sagte juk en rus van Jesus kan uitkom, wat natuurlik die hoof fokus van die teks is. Vanaand wil ek by die eerste deel van die teks in vers 25 stilstaan. Die Bybel leer vir ons dat ons nie meer moet sê as wat Jesus gesê het nie, en ook niks minder nie. As jy fyn luister hoe mense praat, kom jy agter dat daar geweldige misverstande is oor baie dinge van wat die Bybel leer. Daar is ook baie persepsies, en skole vir die verstaan van wat God dan nou eintlik sou bedoel. Net so is daar natuurlik die gevolge van mense se slim keuses in die lewe wat probleme veroorsaak, en hoe hulle dan nie meer in God kan glo nie, want Hy daag nie skielik op om hul gemors reg te toor nie. Die agtergrond van hierdie gedeelte is dat Jesus 70 volgelinge gestuur het om die evangelie te gaan verkondig, en nou is hulle terug. Hy klop hulle dan nie op die skouer vir die mense wat tot bekering gekom het, of die duiwels wat hulle uitgedryf het nie, nee Hy draai na sy Vader in gebed. Kom ons kyk na hierdie gebed, en hoor wat in ons Here Jesus se hart is oor hoe ons sy boodskap moet verstaan. Hierdie is `n lofgebed: Ek prys U, Vader. Jesus gee die eer vir alles wat in en deur die 70 dissipels gebeur het toe hulle uitgegaan het, aan sy Vader.

3 3 In eenvoudige taal roep Hy die Skeppergod baie persoonlik aan: Vader. Hierdie eenvoudige aanspreekvorm was een van die redes waarom Hy later gevange geneem is. Maar Hy gaan verder as hy God die Vader ook Heer, of Koning van hemel en aarde noem. In eenvoudige taal erken Hy presies wie in beheer van alles is wat besig is om te gebeur en presies wie die mag het. Dit is belangrik dat ons hoor hoe Hy sy Vader noem, want wat volg, is moeilik vir mense wat dit nie glo nie, om te verstaan. dat u hierdie dinge vir slim en geleerde mense verberg het. Wat se dinge? Die dinge van die koninkryk van die hemel natuurlik. Die dinge wat vir mense vertel hoe hulle in sonde geval het, hoe die dood hul einde is as hulle nie bekeer en glo dat die koning hulle weer deel van sy koninkryk wil maak nie. Dit was die boodskap van die 70. Slim en geleerd: natuurlik bedoel Jesus nie hier dat net dom mense Hom kan verstaan nie. Hy dryf eintlik die spot met die sogenaamde Skrifgeleerdes van sy tyd. Hulle het geglo dat hulle op grond van hul geleerheid oor die sake van God en sy woord, en daarom ook namens God kan praat. Ons het ons eie dosis slim en geleerde teoloë. Snaaks genoeg het nie almal van hulle noodwendig gaan studeer om hierdie geleerdheid te kry nie. Party het dit sommer vanself gekry deur een of ander openbaring wat hulle meer bekwaam as ander maak om God se bedoeling te verstaan.

4 4 Ander het wel gestudeer en so slim geword dat hulle vir jou kan sê watter dinge in die Bybel waar is, en wat nie. God hou nie van hierdie tipe geleerdheid van mense wie se wysheid uit hulself kom nie. As Paulus vir die gemeente van Korinte skryf, is dit juis omdat die mense in daardie stad geweldig baie van geleerheid gemaak het, en dat dit vir hulle belangriker as die boodskap geword het. 1 Kor. 1:21 Dit was die bedoeling van God in sy wysheid dat die wêreld nie deur geleerdheid tot kennis van God sou kom nie. Daarom het God in sy goedheid besluit om deur die prediking wat vir die wêreld onsin is, dié te red wat glo. 1 Kor. 3: Niemand moet homself mislei nie. As een van julle dink dat hy volgens die maatstaf van hierdie wêreld n wyse man is, moet hy dwaas word sodat hy werklik n wyse mens kan word, 19 want die wysheid van hierdie wêreld is dwaasheid by God. 2 Kor. 4:4 4 Hulle is die ongelowiges wie se verstand deur die god van hierdie wêreld verblind is, sodat hulle die lig van die evangelie nie kan sien nie. Dit is die evangelie van die heerlikheid van Christus, wat die beeld van God is. Hierdie wysheid van mense is vir God dom, want dit verwoes lewens. Dit is die tipe wysheid wat vra, maar wie dink God is Hy om my lewe te wil beheer of God bedoel dit nie regtig as Hy sê dat Hy sonde sal straf nie, daarvoor is Hy te liefdevol. Dit is die tipe wysheid wat die Bybelse instelling van die huwelik en gesin besoedel as hulle aandring op die reg van sogenaamde selfde-geslag-huwelike, omdat die teenstaan daarvan darem verskriklik liefdeloos is, as of hulle self die bron van liefde is. Nee, die Prediker leer ons dat wysheid begin met die dien van die Here, en daarom hoor ons verder dat Jesus die Vader prys omdat hy die boodskap van redding vir hierdie mense verberg. Maar hoekom sou God dit van sekeres weerhou? Want Hy is die koning, dis Sy koninkryk, Hy weet die beste, en is regverdig.

5 5 Ander betekenisse van die woord verberg help om te verstaan: om te versteek, onsigbaar te maak of veilig te hou. Die feit dat God sy boodskap veilig hou teen sogenaamde slimmes is net die een deel, want Hy maak dit bekend aan eenvoudiges. Hier staan letterlik dat Hy die plan van sy Koningskap vir klein babatjies wys. Jesus spot hier baie fyn met die sogenaamde volwassenheid van geleerdes teenoor die eenvoud van die 70 dissipels wat die boodskap van verlossing moes gaan bring. God het gekies om iets vir hulle bekend te maak wat die slimmes nie sal kan begryp nie. Wat is dit? Afhanklikheid! Wat wys `n babatjie spontaan waarvan volwassenes wegskram? Babatjies wys hul afhanklikheid deur vas te gryp aan die een wat hulle versorg, al verstaan hulle nie veel nie, want daar is `n verhouding, daar is vertroue wat by verstaan verby gaan, mens noem dit: geloof. Hoor hoe mooi stel Petrus dit: 1 Petrus 2:2 Soos pasgebore kindertjies smag na melk, moet julle smag na die suiwer geestelike melk, sodat julle daardeur kan opgroei en die saligheid verkry. Jy kan hierdie wysheid net in die geheimenis van `n verhouding met God kry, en juis dit is die genadige bedoeling van die Vader soos dit in vers 26 staan. Dit is juis genade want as dit net vir slimmes was, sou kinders nie gered kon word nie. Maar as dit vir kinders is, kan slimmes ook gered word. Enige slimmigheid van ons kant, is om self te wil probeer om gered te word. Eenvoud is om te besef dat ek afhanklik is, regtig afhanklik van my Koning se genade om weer te leef. So leer ek meer en meer van my God, en hoe meer ek leer en groei, hoe meer weet ek dat ek niks weet nie.

6 6 Ek word `n dwaas in die wêreld, sodat ek `n slim kind voor God kan wees. Daar is niemand so dom soos hulle wat as gevolg van hul eie slimmigheid nie die pad van genade wil stap nie. Om te sê dat ek soos `n kind glo, beteken glad nie dat ek nie intelligent met die Woord van die Here moet omgaan en die diepste rykdomme daarvan moet ondersoek nie. Maar om soos `n kind te glo beteken wel dat ek die eenvoudige boodskap van verlossing wat vir my menslike hart en verstand na onsin klink, aanvaar as my enigste hoop op redding. Sal jy dit so kan oorvertel? Is jy eenvoudig genoeg voor God? Of moet jy heeltyd iemand slimmer as jy roep om dit te doen? God gebruik eenvoudiges soos ek en jy, leef in afhanklikheid van Hom. Slim en geleerd is om die Bybel te ken en dit kort-kort in iemand se gesig te kan gooi, eenvoudig is om te verstaan dat jy self moet doen wat die Woord sê en dat mense so nie van jou nie, maar van God en sy genade sal hoor. Sim en geleerd is wanneer ons so kwaai is oor die detail van godsdienshandelinge, dat ons mense voor ons laat staan vir goedkeuring, eerder as voor die lewende Koning en Vader. Dan eerder eenvoudig voor God met ewige wysheid, as kortstondig slim voor mense sonder hoop op die ewige lewe.