Jakobus 4a Tema: toets van wêreldliefde / begeertes. Wat het jy?

Transcriptie

1 1 Jakobus 4a Tema: toets van wêreldliefde / begeertes. Wat het jy? Lees Jakobus 3:13 14:10 Wat het jy? Het jy die regte bloed, velkleur, selfoon, motor, huis, werk, kerk, geloof, dade. Het jy iets wat lewe, of is dit wat jy het, dood, of bring dit die dood. Het jy wysheid? Kry jy dit wat jy nodig het? Die kern van die gedeelte kom uit in hierdie uitspraak julle kry nie / het nie want julle bid nie. Ons is nie vanoggend by hierdie teks omdat daar grootskaalse rusie in die gemeente is nie, om die waarheid te sê, ons is werklik geseënd wat dit betref. Die feit is dat rusie nooit ver uit is nie, ook nie onder gelowiges nie. Jakobus wil sy vinger ook op hierdie seer in gelowiges se lewens neersit. Hy doen dit deur nog `n toets te stel die toets van liefde vir die wêreld / toets van wat jy het. Maar om hierdie gedeelte te kan verstaan op die oog af kan dit nogal moeilik lyk - moet jy weer terug kyk in die brief. Jakobus het die manier van skryf dat hy altyd weer terugkom op iets wat hy reeds gesê het. Amper asof hy dit wil bevestig, elke keer op `n praktiese manier. Onthou net eers weer saam met my waaroor die vorige gedeelte gegaan het. Dit het gegaan oor die toets van ware wysheid kom jou wysheid van bo (God) of van onder (wêreld). Wysheid van bo maak mens nederig. Met Jakobus se vraag in vers 1 kan mens amper net dink dat hy `n antwoord verwag het van iets soos: ja dit gaan eintlik goed met ons, ons slaag hierdie toets van wysheid. En dan soos `n wafferse dr. Phill is dit asof hy vra: and how`s that working for you? As julle die wysheid van bo het, waar kom die rusies en die gestry onder julle dan vandaan? Stryd en rusie kom op twee plekke voor.

2 2 Die eerste is die stryd met die begeertes binne in jou. Onthou julle nog wat in 1:14 staan?: Maar `n mens word verlei deur sy eie begeertes wat hom aanlok en saamsleep. Daarna, as die begeertes bevrug geraak het, bring dit die sonde voort; en as die sonde ryp geword het, loop dit uit op die dood. Begeertes sou ons ook passies kon noem. Dit is die dinge waarheen jy natuurlik aangetrek word. Iets wat jy bitter graag wil hê. Ja dit kan iets fisies wees, maar dit kan ook iets wees soos status, of dinge wat op my manier MOET gebeur, `n rustige lewe, `n lewe sonder hierdie siekte of gebreke. Dit word `n begeerte en woelende passie wanneer dit jou begin dryf, wanneer dit al is wat jou gelukkig sal maak, wanneer jy nie daarsonder kan lewe nie. Maar jy kry nie! Die gevolg: jy sien dit by ander, hulle lyk dan gelukkig, as ek maar so gelukkig kan wees, hoekom mag ek dit nie kry nie, daai een verdien dit nie. So word die begeerte al erger en word dit stryd met mense. Jakobus stel dit in baie sterk taal hy praat van moord. Waarskynlik bedoel hy nie letterlik vermoor nie, nogtans draai sy woordkeuse nie doekies om nie. Jy pleeg moord/geweld in jou hart. Dit laat ons dink aan die Woorde van Jesus in die bergpredikasie: Matteus 5 Elkeen wat sy broer haat het moord gepleeg. Onthou dat Jakobus hier vir gelowiges skryf dit is hoe hulle onder mekaar maak. Stryd en rusie bevuil verhoudinge tussen gelowiges dit maak gemeentes seer. Die slegste daarvan dit steel God se eer! Ons weet almal daarvan gevoelenthede tussen verskillende gemeentes, tussen individue. Soms oor passies en begeertes van alledaagse goed, maar dikwels ook passies en begeertes wat te doen het met `n manier van bediening en die woelinge en werkinge van die gemeente. Waar kom hierdie stryd vandaan? Van binne ons, die begeertes word ryp en dra slegte vrugte. Ons wil hê, maar ons kry nie. Verder is die planne wat ons maak om dit in die hande te kry deurspek met wysheid van onder.

3 3 Hoe meer ons dit jaag, hoe verder weg beweeg ons van liefde vir God en eerder na liefde vir die wêreld. Dit bring ons by die tweede stryd en rusie die een met God. God sê: Julle kry nie want julle bid nie julle is nie met God in gesprek hieroor nie. As julle dalk nog bid bid julle verkeerd julle is nie met God in gesprek nie, want julle passies en begeertes, ja dit wat jy wil hê, oorheers die gesprek. Jou wil is nie in lyn met God se wil nie. Dit gaan nie in die eerste plek oor wie God is nie, maar wat jy wil hê. Dis die een selfsugtige inkopie lysie op die volgende. Dit klink kwaai nè, en ons wil vra: maar mag ek dan nie opreg vra nie? Klink die volgende bekend in baie van ons gebede? Wees met my, bewaar my, gee vir my, seën my, seën hierdie en daardie plan wat ek klaar gemaak het, laat hierdie ding tog net uitwerk, en wys my U plan met my lewe. Wat is daarmee fout om so te bid, selfs al dink ek dat ek dit in geloof vra?! Sulke gebede klink `n bietjie soos kleuter manipulering: ek soek dit en ek soek dat. Ons soek dat hierdie wêreld vir ons beter sal wees en veral dan as ons begeertes en passies vervul kan word. In plaas daarvan om te hoor as die Here ons roep om op sy avontuur te kom, sê ons dikwels: Here kom op my pad en help my hier! Dit wys `n vriendskap met hierdie wêreld, met die dinge van hier wat my van God, sy heerlikheid en Koningskap wegtrek. Ek kan net gelukkig wees as ek dit of dat het, God is nie genoeg nie. Maar die wêreld se plesiertjies het `n ander stel reëls as God. God red, maar die wêreld vernietig. Wat die wêreld gee, hou nie. Dit word opgeëet, uitgegee, verspoel, gesteel. Tog soek God die hele jy volgens v.5. Want jy het reeds die kosbaarste besitting ooit ontvang sy Gees is in jou! En God waak jaloers oor hierdie gawe Hy het dit in die mens geblaas om lewe te gee. Saam met sy Seun, het die Vader die Gees weer uitgestort om nuwe lewe te gee, nuwe betekenis, nuwe hoop, nuwe krag, nuwe rykdom. Daarom is sy genade NOG groter volgens vers 6.

4 4 Die bedoeling: groter as wat ons kan dink, selfs al vra ons vir alles waaraan ons kan dink, sy genade is NOG groter, dis `n regverdige genade. Wat wil jy dan hê? Tydelike liefde, tydelike genot, tydelike aansien? Want dan het jy nog steeds niks - `n hand vol vere. As jy iets van waarde wil hê, is hier `n paar opdragte: 1. Onderwerp jou aan God, staan teenoor die duiwel. Het God regtig gesê jy mag nie daardie ding hê nie? sê Satan in sy verlei-vir- Eva-stem. Hy probeer ons verlei om self te besluit wat reg is vir ons lewens. Satan kan nie anders as om weg te vlug as jy hom in God se naam teenstaan nie, want jy kruip agter die Leeu van Juda weg, Hy het alle mag. Satan het niks van waarde nie, kan niks teen jou hou nie. 2. Nader nie verder nie, maar nader tot God. Praat met Hom, hoor hoe Hy in sy Woord praat, hoe nader jy doelgerig aan God beweeg, hoe meer bewus raak jy van die feit dat Hy nog altyd naby jou was. Sy genade lê juis daarin dat dit sal bly groei. Sy verhouding met jou sal elke keer meer intiem as die vorige keer wees. 3. As jy naby aan die heerser kom, en sy heerlikheid, majesteit, koningskap beleef: reinig jouself buite en binne. Hande dit is jou dade, optrede Hart dit is jou gesindheid, gewete. Met ander woorde, moenie daar staan met al jou niks nie, erken dat jy niks het, wys jou leë hande, jou leë hart, verootmoedig jou voor die Almagtige. Bely jou sonde en kyk met koninkryk oë na hierdie wêreld, na die stukkend, die seer, die leë niks van vyandskap met God. Raak ons nog hartseer oor die toestand van die wêreld? Skok die geweld ons nog, skok die realiteit van HIV/VIGS ons nog, hoe ons jongmense gevang word met die skeefgetrekte beeld van seksualiteit. Ons droefheid lê daarin dat ons NIKS beter is as mense wat hul oorgee aan hul begeertes nie. Maar ons IS anders ons is nie `n subkultuur nie, maar `n teen kultuur, totaal anders, in dieselfde wêreld. Ons is `n koninkryk kultuur! Onderwerp alles!

5 5 Ook my bedieningspassie, my vroom begeertes vir hoe die kerk behoort te wees, my hou vas aan MY grond en eiendom, my drome vir hoe my huisgesin moet lyk. Want as God dit nie gee nie is dit niks!!! Hoe weet ons dat ons gemeente besig is om tot God te nader, en nie om agter mense se begeertes aan te loop nie? Ons BID! Bid jy? Sê jy dat jy bid, of bid jy? En bid jy reg? Moet die Here maar net seën wat ons doen, of doen ons uit sy seën omdat ons eers gebid het. Geliefdes ons het nodig om werklik tot God te nader: so sal ons rusie kan hanteer wanneer dit kom. So sal ons vir ander `n seën wees uit die oorvloed wat God reeds vir ons gegee het in Jesus Christus. Ons het nodig om tot God te nader in ons dienswerk in hierdie wêreld, want ons is gestuurdes in die wêreld, maar ons is nie vriende van hierdie wêreld nie. God is jaloers op ons redding, Hy deel dit met niks en niemand. Is jy tevrede met wat jy het? Ervaar jy God se nabyheid, groei jy daarin ek hoop so, broer en suster, want anders sal jy rusie en stryd ervaar. Binne met jouself en buite met ander. Laat ons alles dan aan Hom onderwerp, my goed, myself, my alles. Die belofte van die Vader: ek sal jou verhoog, soos Jesus verhoog is. Wat het jy? Jy het ALLES!