Wie in Christus bly, moet Sy voorbeeld volg

Transcriptie

1 SKRIFLESING: 1 Johannes 2:1-11 TEKS: 1 Johannes 2:6 TEMA: Wie in Christus bly, moet Sy voorbeeld volg Psalm 9 : 1, 2, 7 Psalm 31 : 13 (na gebed) Skrifberyming 72 (12-3) : 1, 2 Skrifberyming 78 (13-3) Ook: Ps 24 : 3

2 Gaan dit hierdie jaar weer een van die grootste vlekke op die Christendom wees: dat dit wat gesê word en dit wat geleef word, nie dieselfde is nie? U sal uit eie ervaring weet hoe seer dit jou kan maak as iemand wat sê dat hy/sy n mede-christen is, onchristelik teen jou of voor jou optree. 2 Kan u u dan indink watter skade dit aan die kerk en aan die evangelie en aan die Naam van ons Here doen as mense wat sê dat hulle Sy volgelinge is, voor mense wat nie Christene is nie, anders praat en doen as as wat hulle veronderstel is om te praat en te doen? Ons kan vanaand nie veel aan ander Christene se woorde en dade doen nie, maar ons kan wel hierdie Skrifgedeelte hoor as n oproep dat ten minste óns dan hierdie jaar spesiale moeite sal doen om te leef wat ons praat. Want dis wat hier in ons teksvers staan: - wie in Christus bly, moet Sy voorbeeld volg. Kom ons praat eers oor wat dit is om in Christus te bly, en dan na die feit dat sulke mense soos Hy behoort te lewe. 1. OM IN CHRISTUS TE BLY Wie beweer dat hy in Hom bly Bly ons dan in Christus? Is dit nie Hy wat in ons bly nie? Altwee hierdie sinne is waar: Hy bly in ons én ons bly in Hom. Christus bly in ons: o Die Heilige Gees laat die apostel Paulus vir die Romeine skrywe: Omdat Christus in julle is, gee die Gees aan julle die lewe 1 o En vir die Galasiërs: ek is saam met Christus gekruisig, en nou is dit nie meer ek wat lewe nie, maar Christus wat in my lewe. 2 o En net verder aan in hierdie brief van die apostel Johannes lees ons: 1 Rom 8:10 2 Gal 2:19-20

3 3 Wie sy gebooie gehoorsaam, bly in God en God in hom. Hiéraan weet ons dat Hy in ons bly: Hy het ons sy Gees gegee. 3 Hy bly in ons. Maar ons bly ook in Hom en móét in Hom bly. Bly in My, soos Ek in julle het die Here Jesus vir Sy dissipels gesê. 4 Hoe bly ons in die Here? Ons doen dit deur in Hom te glo. Wanneer jy in die Here Jesus glo, dan word jy in Hom ingelyf; 5 dan is dit asof jy een van die ledemate van Sy liggaam word. 6 As jy besef dat jy geestelik bankrot voor God staan dat jou sondes al jou kapitaal weggevreet het en dat jy niks het wat goed genoeg is om God mee te betaal nie, en jy daaraan vasgryp dat die Here Jesus al jou skuld ook by God betaal het toe Hy vir die sondes van mense geboet het en dat Sy gehoorsaamheid aan God vir elkeen tel wat so aan Hom vasgryp, dan is dit asof jy jou lewe ophou lewe en saam met die Here Jesus Sý lewe begin lewe asof jy in Hóm begin lewe. Die Here Jesus het gesê: Wie my liggaam eet en my bloed drink, bly in My 7 En wat is om Sy liggaam te eet en Sy bloed te drink anders as om gelowig te aanvaar dat Sy liggaam aan die kruis gebreek is en Sy bloed daar gestort is, om ook vir jou vergewing van sondes te bewerk? Wanneer ons in die Here Jesus glo, bly ons in Hom. En ons ís mos sulke mense, nie waar nie? Dis wat ons sê. Dis wat ons beweer. 3 1 Joh 3:24; vgl ook Joh 15:4-5 en 1 Joh 4:13, Joh 15:4 5 HK 7: Kor 12:12-13, 27 7 Joh 6:56

4 Elke Sondag bely ons openlik enige iemand kan ons samekomste bywoon en dit hoor dat ons in Jesus Christus glo. En op elke vorm waar dit ter sprake kom, vul ons in dat ons Christene is. 4 En as iemand ons sou vra aan watter geloof ons behoort, sal ons, sonder om te huiwer, erken dat ons Christene is, mense wat in die drie-enige God van die Bybel glo, mense wat glo dat Jesus Christus ons Here en Verlosser is en ons Sy volgelinge. Die eerste deel van ons teksvers is baie duidelik op ons van toepassing; - ons leef met die aanspraak, die pretensie, dat ons Christene is; - ons is mense wat beweer dat ons in Jesus bly. Maar ís dit regtig so? Om te praat is maklik. Om allerhande dinge te bely, veral as jy van kleins af in die Christelike godsdiens opgevoed is en nog jou hele lewe lank n getroue en meelewende lidmaat van die kerk was, kom amper vanself! Maar ís dit so? Bly ons regtig in die Here? Om ons te help om te weet of dit wat ons sê, ook werklikheid is, het die Heilige Gees die apostel Johannes hierdie brief laat skrywe. Dis onder andere n brief waarin ons verskillende toetse gegee word wat ons kan aanlê om te kyk of ons regtig aan die Here verbind is. Een daarvan is dit wat hier in ons teksvers staan: Wie beweer dat hy in Hom bly, behoort self ook te lewe soos Jesus gelewe het. Kom ons kyk nou wat dít beteken: 2. OM SOOS HY TE LEWE Natuurlik moet ons nie lewe soos die Here Jesus as God gelewe het nie dit kán ons nie doen nie; maar ons moet lewe soos Hy as mens gelewe het toe Hy hier op aarde was.

5 5 Dis ook nie regtig anders as wat die Woord van God nog altyd gesê het dat mense moet lewe nie. 8 Maar die Here Jesus het met Sy lewe kom wýs hoe gehoorsaamheid aan God se Woord in die praktyk van die lewe lyk. Dat ons moet lewe soos die Here Jesus as mens gelewe het, beteken ook nie dat ons Hom in ál die fasette van Sy lewe presies moet navolg nie. o Daar was tye waarin Christene byvoorbeeld geglo het dat n ware lewe van navolging van Jesus inhou dat n mens nie mag trou nie, want die Here Jesus was nie getroud nie. o En n deel van baie kloosters se bestaan het daaroor gegaan dat niemand iets mag besit nie, want die Here Jesus het nie eintlik aardse besittings gehad nie. o En daar was selfs by tye Christene wat hulleself liggaamlike pyn aangedoen het, want Christus het dan liggaamlike pyn gely toe Hy gegésel en gekruisig is. Maar hierdie is nie sake wat vir ons as opdragte gegee is nie. Die Heilige Gees het baie duidelik in die Bybel vir ons laat opteken in watter fasette van die Here Jesus se lewe as mens ons Hom moet navolg. Noem vir u drie daarvan: In die eerste plek moet ons liefhê soos die Here Jesus liefgehad het. Hoe duidelik het Hy dit nie vir Sy dissipels gesê nie: Ek gee julle n nuwe gebod: julle moet mekaar liefhê. Soos Ek julle liefhet, moet julle mekaar ook liefhê. 9 Ons moet mekaar as gelowiges liefhê soos Hy ons liefhet. Maar ons moet ook ons vyande liefhê soos Hy mense wat van nature Sy vyande was, liefgehad het. 10 En veral mans behoort hulle eie vroue lief te hê soos Christus die gemeente liefgehad het Vgl verse 5 en 6 met mekaar. 9 Joh 13:34; 15: Vgl Mat 5:44 met Rom 5:10 en Kol 1:21 11 Efes 5:25

6 6 En hierdie liefde waarin ons die Here Jesus behoort na te volg, moet soos Sy liefde ook bereid wees om tot die uiterste toe te gaan. Luister wat staan in 1 Joh 3:16: Hiéraan weet ons wat liefde is: Jesus het sy lewe vir ons afgelê. Ons behoort ook ons lewens vir ons broeders af te lê. Natuurlik sterf ons nie vir mekaar se sondes nie, maar wanneer ek die welsyn en die saligheid van n medemens kan bevorder, moet ek soos my Here bereid wees om álles daarvoor te gee selfs my lewe. Ons moet liefhê soos Jesus liefgehad het. In die tweede plek moet ons lewe soos Jesus gelewe het in ons bereidheid om die minste te wees. In Filippense 2 word daar geskryf dat dieselfde gesindheid in ons moet wees wat daar ook in die Here Jesus was, 12 en dan word dit verduidelik met n beskrywing van hoe Hy Sy hemelse heerlikheid as t ware eenkant gesit het en soos die nederigste van mense geword het. Net soos wat Hy (so het Hy by n geleentheid geleer) nie gekom het om gedien te word nie, maar om te dien, so moet ons ook bereid wees om mekaar se dienaars en dienaresse te wees. 13 Toe Hy Sy dissipels se voete gewas het, het Hy dit so duidelik gesê: As Ek, wat julle Here en julle Leermeester is, dan julle voete gewas het, behoort julle ook mekaar se voete te was. Ek het vir julle n voorbeeld gestel, en soos Ek vir julle gedoen het, moet julle ook doen. 14 As jy lewe soos die Here gelewe het, soek jy nie eer en erkenning nie, maar is jy bereid om die laagste werk te doen, om jou minderes te dien. In die derde plek as n mens lewe soos die Here Jesus gelewe het, dan bly jy aan die Here gehoorsaam selfs al laat dit jou swaarkry. Die Heilige Gees laat Petrus vir Christene skryf wat onregverdig gely het terwyl hulle tog net gedoen het wat die Here van hulle verwag het; 12 Flp 2:5 13 Mark 10: Vgl ook Joh 14 Joh 13:14-15

7 7 en hy moedig hulle aan om nie op te hou goed doen nie, onder andere met hierdie woorde: om lyding te verdra wanneer julle goed doen, dit is genade van God. Juis hiervoor is julle ook geroep, omdat Christus self vir julle gely het en so vir julle n voorbeeld gestel het en dan gaan hy aan om te verduidelik hoe Christus, al het Hy onregverdig gely, nie gelieg het om op te hou swaarkry en terug-beledig en -gedreig het nie, maar volmaak bly optree het. 15 As jy lewe soos die Here gelewe het, hou jy geduldig en gelowig aan om te doen wat die Here van jou verwag, al is dit nie maklik nie, al is daar mense wat jou teenstaan omdat jy dit doen, al bring dit vir jou skade en skande en pyn. Nie die groot woorde waarmee ons sê/beweer dat ons in die Here glo nie, maar of ons lewe soos Hy gelewe het, sal wys of ons regtig aan Hom behoort, regtig Sy dissipels is, of Hy regtig in ons bly, of Sy Gees regtig die Bestuurder van ons lewens is, of ons regtig in Hom bly. TEN SLOTTE Ons gaan hierdie jaar in as mense wat sê, beweer, bely dat ons in die Here Jesus bly, dat ons in Hom glo, dat ons Sy volgelinge is. Hierdie woorde/bewering/belydenis gaan getoets word in ons huise, in ons gemeentes, in ons optrede in die openbaar en in die samelewing aan hiérdie vraag: lewe ons daar soos ons Here Jesus gelewe het? Kom ons gaan wees mense, ten minste óns, wat nie die kerk en die evangelie en die Naam van ons Here skade aandoen met n lewe wat skreeu teen ons belydenis nie. Maar kom ons gaan hê lief, soos ons Here ons gewys het en ons gaan doen dit in absolute nederigheid soos Hy wat soos n slaaf was 15 1 Pet 2:20-23

8 en sonder om op te gee, al beteken dit dat alles nie altyd lekker gaan wees nie. Wie in Jesus bly en lewe soos Hy gelewe het, gaan tog nie vir altyd in die laagtes leef nie, maar word uiteindelik deur Hom na hoogtes toe gevat waarvoor ons tale nou nog nie woorde het nie 16 8 AMEN 16 Rom 8:17-18; 1 Kor 2:9